Næsti kafli
byrjar heima.

STERKAR RÆTUR. SKÝR SÝN.

Ágrip af sögu okkar

Eignakaup á rætur að rekja til ársins 1995. Félagið var formlega stofnað 15. maí 1998 undir nafninu Skipasalan ehf. Jakob Ingi Jakobsson, sem lengi vel var eini starfsmaður félagsins, byggði það upp frá grunni.

Jakob Ingi Jakobsson er lögmaður, löggiltur fasteigna-, fyrirtækja- og skipasali og löggiltur leigumiðlari. Hann býr einnig yfir fjölþættri reynslu og þekkingu sem hann hefur aflað sér með námi og störfum.

Jakob er fæddur og uppalinn við sjávarútveg, ólst upp við smábátaútgerð og stundaði sjómennsku ásamt föður sínum í mörg ár. Hann starfaði síðar hjá Bátum og búnaði ehf. með Brynjari Ívarssyni um langt árabil og lærði meðal annars markaðs- og útflutningsfræði við Endurmenntunarstofnun Háskóla Íslands. Hann hefur einnig sótt fjölda námskeiða á sviði fjármála, viðskipta og stjórnunar. Jakob starfaði síðar sem fjármálastjóri í sjávarútvegi áður en hann sneri sér aftur að rekstri.

Reynsla Jakobs gerir það að verkum að þekking félagsins spannar mörg svið og allnokkur sérfræðiþekking felst í þjónustu þess.

Jakob hefur alla tíð lagt ríka áherslu á góða þjónustu við viðskiptavini sína. Hann telur að ávallt þurfi að bæta og þróa þjónustuna svo viðskiptavinir fái úrlausn sinna mála hjá fyrirtækinu.

Þægilegt viðmót og úrlausn hagsmuna viðskiptavina okkar er okkar helsta markmið.

Eignakaup ehf. leggur metnað sinn í að veita fyrsta flokks þjónustu og hefur það að markmiði að bjóða viðskiptavinum sínum „ávallt bestu þjónustuna og besta verðið“ og mun standa við það!

Við bjóðum þér að hafa samband í síma 774 4500 eða með tölvupósti á jakob@jjl.is eða jakob@eignakaup.is.

Vertu ávallt velkomin(n)!